ភ្នំពេញ, ថ្ងៃទី១១ ខែមីនា ឆ្នាំ២០២៥ – ក្រុមហ៊ុនហ៊ីយ៉ាន់ដាយមានសេចក្តីសោមនស្សរីករាយ ក្នុងការប្រកាសបង្ហាញនូវវត្តមានរថយន្ត The new Hyundai CUSTIN ស៊េរីឆ្នាំ២០២៥ជាផ្លូវការលើកដំបូងក្នុងសន្និសីទសារព័ត៌មាន ដែលបានប្រព្រឹត្តនៅអគារដាក់តាំងបង្ហាញរថយន្តHyundai City Store សាខាច្បារអំពៅ ស្ថិតក្នុង The Park Community Mall។ រថយន្ត MPV ជំនាន់ក្រោយនេះ ជា Game Changer MPV ដែលត្រូវបានរចនាឡើងរួបញ្ចូលគ្នានូវរចនាប័ទ្ម មុខងារពិសេសៗ បច្ចេកវិទ្យាទំនើបចុងក្រោយ សម្រាប់ទីផ្សារកម្ពុជា។

Hyundai CUSTIN បា​នក្លាយជា​ Game Changer ក្នុងរថយន្តប្រភេទMPV ដោយផ្តោតលើការច្នៃប្រឌិត និរន្តរភាព និងការរចនាអោយចំនឹងតម្រូវការរបស់អតិថិជន ហើយម៉ូដែលនេះបានធ្វើអោយចក្ខុវិស័យដ៏ឆ្លាតវៃក្លាយទៅជារូបរាង។ តាំងពីការរចនាផ្នែកខាងក្រៅដ៏គួរឱ្យទាក់ទាញ រហូតដល់ផ្នែកខាងក្នុងដ៏សម្បូរបែប Hyundai CUSTINត្រូវបានបង្កើតឡើងដើម្បីផ្តល់ជូននូវបទពិសោធន៍បើកបរដែលមិនអាចប្រៀបផ្ទឹមបានសម្រាប់គ្រួសារ និងអាជីវកម្ម។

លោក Brian Ko នាយកប្រតិបត្តិនៃក្រុមហ៊ុនហ៊ីយ៉ាន់ដាយមានប្រសាសន៍ថា “យើងពិតជារំភើបក្នុងការនាំយករថយន្ត Hyundai CUSTIN ដែលជារថយន្តចង្អុលបង្ហាញពីការប្តេជ្ញាចិត្តរបស់យើងចំពោះការបង្កើតថ្មី សុវត្ថិភាព និងការពេញចិត្តរបស់អតិថិជន។ The Game Changer MPV មួយនេះនឹងផ្តល់នូវបទពិសោធន៍ថ្មីមួយកម្រិតទៀតបែបBusiness Class អាចធ្វើអោយគ្រួសារ និងអាជីវកម្មផ្លាស់ប្តូរមកពិចារណារថយន្តបែបMPV។”

Hyundai CUSTINជារថយន្តប្រភេទMPV ៧កៅអីពោរពេញដោយភាពច្នៃប្រឌិតសម្រាប់បំពេញតម្រូវការគ្រួសារសម័យទំនើបផង និងអាជីវកម្មផង។ ផ្នែកខាងក្នុងធំទូលាយអាចផ្ទុកអ្នកដំណើរបានរហូតដល់ប្រាំបីនាក់ ល្អឥតខ្ចោះសម្រាប់ការធ្វើដំណើរជាលក្ខណៈគ្រួសារ បំពេញការងារ ឬដឹកជញ្ជូន។ ម៉ូដែលថ្មីនេះនឹងផ្តល់នូវបទពិសោធន៍បើកបរដ៏អស្ចារ្យរាល់ពេលធ្វើដំណើរ។

លោកស្រី លាង សារ៉េន ប្រធានផ្នែកលក់នៃក្រុមហ៊ុនហ៊ីយ៉ាន់ដាយមានប្រសាសន៍ថា “ទោះបីជាមានរថយន្ត MPV ជាច្រើននៅលើទីផ្សារបច្ចុប្បន្ននេះក៏ដោយ ក៏Hyundai CUSTINនៅតែមានភាពលេចធ្លោដែលធ្វើឱ្យវាក្លាយជាជម្រើសដ៏ល្អសម្រាប់អ្នកប្រើប្រាស់ក្នុងព្រះរាជាណាកម្ពុជា។ The Game Changer MPV នេះដំណើរការដោយម៉ាស៊ីនសាំងចំណុះ 1.5 លីត្រTurbo ជាមួយនឹងប្រអប់លេខស្វ័យប្រវត្តិ8វគ្គ ដែលផ្តល់នូវការបង្កើនល្បឿនយ៉ាងរលូន និងសន្សំសំចៃសាំងប្រកបដោយប្រសិទ្ធភាព, ប្រអប់លេខបែបប៊ូតុងចុចទំនើប និងងាយស្រួល, អេក្រង់ Touchscreen ទំហំ 10.4 អ៊ីញ, Wireless changersនៅកៅអីជួរទី១ និងទី២, ដំបូល២តង់ Panoramic Sunroof, ទទួលបានបទពិសោធន៍ថ្មីពីកៅអីបែប Business Class ដែលផ្តល់នូវផាសុកភាព និងប្រណិតភាពសម្រាប់អ្នកដំណើរជួរទី២, កៅអីជួរទី៣អាចបត់បានដើម្បីផ្ទុកអីវ៉ាន់បានច្រើន ព្រមទាំងមានប្រព័ន្ធសុវត្ថិភាពកម្រិតខ្ពស់ និងប្រព័ន្ធវៃឆ្លាតជំនួយដល់អ្នកបើកបរ កាន់តែផ្តល់ភាពងាយស្រួលក្នុងការបើកបរប្រចាំថ្ងៃក្នុងទីក្រុង និងធ្វើដំណើរផ្លូវឆ្ងាយ។”

ទិញ The new ​Hyundai CUSTIN  ឆ្នាំ២០២៥ ក្នុងខែមីនានេះ ចំណេញ៣,០០០ដុល្លារ

ទិញភ្លាម បានភ្លាម ប្រញាប់ស្តុកមានកំណត់

ទំនាក់ទំនងមកឥឡូវនេះ ទីប្រឹក្សាផ្នែកលក់រីករាយស្វាគមន៍ នឹងជម្រាបជូនរាល់ព័ត៌មានលម្អិត

តាមរយៈលេខទូរស័ព្ទ៖ 010 755 133, 097 755 8133
ឬតាមរយៈតេឡេក្រាម៖ https://t.me/HyundaiCamkoHeadofsales
សាខាព្រះមុនីវង្ស៖ https://goo.gl/maps/ZGCcvYvkoNayGzNn8

សាខាCity Store៖ https://goo.gl/maps/1efL4VwHqhzVZr479

សាខាសៀមរាប៖ https://goo.gl/maps/homjsR1AZ7AZS4e77

សាខាខេត្តព្រះសីហនុ៖ https://maps.app.goo.gl/ajZAoL4naiJjogxQ9​

សូមបញ្ជាក់ថា Hyundai Cambodia ត្រូវបានបង្កើតឡើងនៅឆ្នាំ ២០០៩ ហើយបានផ្តល់សេវាកម្ម​ដែល​មានគុណភាពខ្ពស់ជូនអតិថិជន។ ក្រុមហ៊ុន ខេមកូ ម៉ូធ័រ ខមភេនី ជាក្រុមហ៊ុននាំចូល និងចែកចាយផ្តាច់មុខតែមួយគត់នៅក្នុងព្រះរាជាណាចក្រកម្ពុជា ជាពិសេសផ្គត់ផ្គង់នូវរថយន្តប្រភេទ SUV និង MPV ជាច្រើនក្នុងរយៈពេល ១៥ឆ្នាំចុងក្រោយនេះ។ បច្ចុប្បន្នក្រុមហ៊ុនហ៊ីយ៉ាន់ដាយមានអគារដាក់តាំងបង្ហាញរថយន្តហ៊ីយ៉ាន់ដាយ៤សាខា មជ្ឃមណ្ឌលថែទាំរថយន្តហ៊ីយ៉ាន់ដាយ៣សាខា និងរោងចក្រដំឡើងរថយន្តផ្ទាល់នៅក្នុងព្រះរាជាណាចក្រកម្ពុជា។

នៅភ្នំពេញ ប្រទេសកម្ពុជា ថ្ងៃទី 5 ខែមីនា ឆ្នាំ 2025 – BYD ដែលជាក្រុមហ៊ុនឈានមុខគេលើពិភពលោកខាង​​ រថយន្តអគ្គិសនី បានចាប់ដៃជាមួយ Harmony Auto ដែលជាភ្នាក់ងារចែកចាយផ្តាច់មុខនៅកម្ពុជាបានប្រកាសជាផ្លូវការនូវម៉ូដែលរថយន្តអគ្គិសនីថ្មីចំនួនពីរគឺ BYD ATTO 2 និង BYD Sealion 5 នៅក្នុងទីផ្សារកម្ពុជា។ ជាមួយនឹងដំណើរការដ៏ល្អ បច្ចេកវិទ្យាឈានមុខគេ និងតម្លៃប្រកួតប្រជែងល្អ ម៉ូដែលទាំងពីរបាននាំមកនូវបទពិសោធន៍បើកបរឆ្លាតវៃថ្មី និងជម្រើសធ្វើដំណើរបៃតងដល់អ្នកប្រើប្រាស់កម្ពុជា។
តម្លៃផ្លូវការសម្រាប់ទីផ្សារកម្ពុជាគឺ៖ BYD ATTO 2 មានតម្លៃ 22,300 ដុល្លារ និង BYD Sealion 5 មានតម្លៃ 25,800 ដុល្លារ។


ខ្លាំងបំផុតក្នុងកម្រិតតែមួយ, តម្លៃប្រកួតប្រជែងល្អបំផុត, ជម្រើសថ្មីសម្រាប់ការធ្វើដំណើរបៃតង
ចាប់តាំងពី Pre-order មក, BYD ATTO 2 និង BYD Sealion 5 បានក្លាយជាជម្រើសដ៏ពេញនិយមយ៉ាងឆាប់រហ័សសម្រាប់រថយន្តអគ្គិសនីនៅក្នុងទីផ្សារកម្ពុជា ជាមួយនឹងដំណើរការដ៏ល្អឥតខ្ចោះ និងតម្លៃប្រកួតប្រជែងដ៏ល្អ ត្រឹមតែប្រាំថ្ងៃបន្ទាប់ពី Pre-order បានចាប់ផ្តើម, ចំនួនកក់បានកើនឡើងលើសពី 200 គ្រឿង ហើយ ទទួលបានការសាទរនៅក្នុងទីផ្សារ។ នៅពេលដាក់លក់ជាផ្លូវការនៅលើទីផ្សារ ម៉ូដែលទាំងពីរនឹងបន្តបំពេញតម្រូវការចម្រុះរបស់អ្នកប្រើប្រាស់ផ្នែក ទំហំ ដំណើរការ សេដ្ឋកិច្ច និងគុណភាព ជាមួយនឹងគុណសម្បត្តិដែលមានគឺ “កាន់តែធំ កាន់តែខ្លាំង  កាន់តែសន្សំសំចៃ និងកាន់តែមានតម្លៃប្រកួតប្រជែងល្អ “។

BYD Sealion 5៖ ប្រើសាំងក៏បាន អគ្គិសនីក៏បាន, មានគុណសម្បត្តិបើកបរបានឆ្ងាយដូចរថយន្តសាំង និងការសន្សំសំចៃដូចរថយន្តអគ្គិសនី
ក្នុងនាមជាម៉ូដែលHybrid ទំនើប DM-i BYD Sealion 5 មានការរចនាថ្មីបំផុតបែប Dragon Face របស់ BYD ហើយខ្សែបន្ទាត់ខាងក្រៅរលោងរបស់វាបង្ហាញពីរូបរាងដ៏រឹងមាំ និងខ្លាំង។ បើនិយាយពីផ្នែកខាងក្នុងវិញ វាត្រូវបានបំពាក់ដោយអេក្រង់ 10.1អ៊ីញអាចបង្វិលបាន និងប្រព័ន្ធតភ្ជាប់បណ្តាញឆ្លាតវៃ DiLink ដែលគាំទ្រការបញ្ជាដោយសំឡេង ការអាប់ដេតពីចម្ងាយ និងមុខងារឆ្លាតវៃផ្សេងទៀត ដែលធ្វើអោយការបើកបរកាន់តែងាយស្រួល និងឆ្លាតវៃ។ បើនិយាយពីថាមពលវិញ រថយន្ត BYD Sealion 5 មានម៉ូដថាមពលដែលអាចបត់បែនបាន ដែលអាចប្រើសាំងក៏បាន  អគ្គិសនីក៏បាន ជាមួយនឹងចម្ងាយបើកបរសរុបរហូតដល់ 1,090 គីឡូម៉ែត្រ វាមានគុណសម្បត្តិ បើកបរបានឆ្ងាយដូចរថយន្តសាំង និងការសន្សំសំចៃដូចរថយន្តអគ្គិសនី ដែលអាចដោះស្រាយបាននូវការបើកបរផ្លូវឆ្ងាយ ។

BYD ATTO 2៖ ជម្រើសល្អបំផុតសម្រាប់ការធ្វើដំណើរបៃតងក្នុងទីក្រុង
BYD ATTO 2 ជាម៉ូដែលអគ្គិសនីសុទ្ធរបស់ BYD ត្រូវបានបង្កើតឡើងនៅលើ e-platform 3.0 និងមានដង់ស៊ីតេថាមពលខ្ពស់ និង បើកបរបានឆ្ងាយ។ គម្លាតភ្លៅមានប្រវែងរហូតដល់ 2,620 មីលីម៉ែត្រ ហើយរូបរាងតូច និងងាយបត់បែន ដែលត្រូវបានរចនាឡើងជាពិសេសសម្រាប់ការធ្វើដំណើរក្នុងទីក្រុង។ BYD ATTO 2 គាំទ្រមុខងារសាកថ្មលឿនដែលចំណាយពេលត្រឹមតែ 28 នាទីដើម្បីសាកពី 30% ទៅ 80% ធ្វើអោយ ការប្រើប្រាស់ប្រចាំថ្ងៃងាយស្រួលនិងកាន់តែប្រសើរឡើង ។ រថយន្ត​នេះ​ត្រូវ​បាន​បំពាក់​ដោយអេក្រង់​ឆ្លាតវៃអាច​បង្វិលបាន​ទំហំ 12.8 អ៊ីង ដែល​អាច​គាំទ្រ​មុខងារ​ឆ្លាតវៃ​ជាច្រើន​ដោយ​រួម​បញ្ចូល​គ្នា​ជាមួយ​នឹង​បច្ចេកវិជ្ជា​កាប៊ីន​ឆ្លាតវៃ​របស់ BYD ការ​បើកបរ​កាន់​តែ​ងាយស្រួល និង​រីករាយ។

ធានារយៈពេល 8 ឆ្នាំ 160,000 គីឡូម៉ែត្រ, ប្រើប្រាស់រថយន្តដោយឥតកង្វល់
BYD ផ្តល់ជូន BYD ATTO 2 និង BYD Sealion 5 ជាមួយនឹងការធានាបន្ថែមរយៈពេល 8 ឆ្នាំ និង 160,000 គីឡូម៉ែត្រ ដែលគ្របដណ្តប់យ៉ាងពេញលេញនូវ ធាតុស្នូលសំខាន់ៗ និងធានាថាអ្នកប្រើប្រាស់អាចប្រើប្រាស់យានយន្តរបស់ពួកគេដោយគ្មានការព្រួយបារម្ភ។ គោលការណ៍ធានានេះមិនត្រឹមតែឆ្លុះបញ្ចាំងពីទំនុកចិត្តរបស់ BYD លើគុណភាពផលិតផលប៉ុណ្ណោះទេ ប៉ុន្តែថែមទាំងបង្ហាញពីការប្តេជ្ញាចិត្តរយៈពេលវែងរបស់ម៉ាកយីហោ និងសេវាកម្មយ៉ាងដឹតដល់ជូនដល់អ្នកប្រើប្រាស់ផងដែរ។

ចាក់ឫសកាន់តែជ្រៅចូលទីផ្សារកម្ពុជា និងផ្តល់សេវាកម្មក្នុងស្រុកកាន់តែប្រសើរឡើង
កម្ពុជាគឺជាទីផ្សារដ៏សំខាន់មួយរបស់ BYD នៅអាស៊ីអាគ្នេយ៍។ ដើម្បីបម្រើទីផ្សារក្នុងស្រុកឱ្យកាន់តែប្រសើរឡើង ក្រុមហ៊ុន BYD និង Harmony Auto មិនត្រឹមតែបានរៀបចំគម្រោង Flagship Store ទំហំ 13,000 ម៉ែត្រការ៉េនៅលើមហា វិថី ហ៊ុន សែន ក្នុងរាជធានីភ្នំពេញប៉ុណ្ណោះទេ ប៉ុន្តែក៏មានគម្រោងពង្រីកបណ្តាញអ្នកចែកចាយបន្ថែមទៀត និងបង្កើតមជ្ឈមណ្ឌលលក់ និងសេវាកម្មនៅក្នុងទីក្រុងជាច្រើននៅទូទាំងប្រទេសផងដែរ។ Flagship Store នេះនឹងរួមបញ្ចូលនូវបន្ទប់តាំងបង្ហាញឆ្លាតវៃ កន្លែងទទួលភ្ញៀវដ៏ទំនើប និងមជ្ឈមណ្ឌលត្រួតពិនិត្យយានយន្តឆ្លាតវៃ ហើយនឹងត្រូវបាន     បំពាក់ដោយស្ថានីយសេវាកម្មក្រោយការលក់កម្រិតខ្ពស់ជាច្រើន, នៅពេលអនាគត វានឹងអាចផ្តល់សេវាកម្មជួសជុល និងថែទាំរថយន្តបានច្រើនជាង 100 គ្រឿងក្នុងមួយថ្ងៃ។

បានបង្កើតភាពជាដៃគូយុទ្ធសាស្ត្រជាមួយក្រុមហ៊ុន Smart ដែលជាប្រតិបត្តិករទូរគមនាគមន៍ឈានមុខគេនៅក្នុងស្រុក
BYD ប្រកាន់ខ្ជាប់នូវបេសកកម្ម “ការប្រើប្រាស់ការច្នៃប្រឌិតបច្ចេកវិទ្យា ដើម្បីបំពេញបំណងប្រាថ្នារបស់មនុស្ស ធ្វើអោយជីវិតកាន់តែប្រសើរ” ដែលវាស្របតាមទស្សនវិស័យរបស់ក្រុមហ៊ុន Smart ក្នុងការផ្តល់ជូនអតិថិជននូវគុណតម្លៃនិងភាពរីករាយកាន់តែច្រើន។ នៅក្នុងយុទ្ធនាការ “បញ្ចូលទឹកប្រាក់ និង ឈ្នះរង្វាន់” កន្លងមក, ក្រុមហ៊ុន Smart បាន  យក BYD Seagull និង BYD Dolphin ធ្វើជារង្វាន់ធំ ដោយសង្កត់ធ្ងន់ថា រថយន្តអគ្គិសនីមិនត្រឹមតែជានិន្នាការរីកចម្រើនប៉ុណ្ណោះទេ ប៉ុន្តែក៏ជាអនាគតនៃការអភិវឌ្ឍន៍បៃតងផងដែរ។ ភាគីទាំងពីរនឹងបង្កើតទំនាក់ទំនងសហប្រតិបត្តិការដ៏រឹងមាំ និងយូរអង្វែងនៅក្នុងប្រទេសកម្ពុជា និងធ្វើការរួមចំណែកយ៉ាងសំខាន់ក្នុងការអភិវឌ្ឍន៍ប្រកបដោយនិរន្តភាពរបស់កម្ពុជា។

អតិថិជនជាចំបង ការពង្រឹងអនាគតបៃតង
ក្នុងនាមជាភ្នាក់ងារចែកចាយផ្តាច់មុខផ្លូវការរបស់ BYD នៅកម្ពុជា, Harmony Auto នឹងបន្តប្រកាន់ខ្ជាប់នូវគោលគំនិតនៃ “អតិថិជនជាចំបង” កែលម្អស្តង់ដារសេវាកម្មឥតឈប់ឈរ និងផ្តល់នូវការគាំទ្រក្រោយពេលលក់កាន់តែដឹតដល់ ប្រសិទ្ធភាព និងវិជ្ជាជីវៈដល់ម្ចាស់រថយន្ត BYD ទាំងអស់។ នៅពេលអនាគត ក្រុមហ៊ុន Harmony Auto និង BYD នឹងធ្វើការរួមគ្នាដើម្បីបន្តជំរុញការអភិវឌ្ឍន៍ទីផ្សាររថយន្តអគ្គិសនីនៅកម្ពុជា និងឆ្ពោះទៅកាន់យុគសម័យថ្មីនៃការធ្វើដំណើរបៃតង និងឆ្លាតវៃ។

សម្រាប់ការប្រឹក្សាយោបល់ និងការទិញរថយន្ត
អតិថិជនអាចចូលទៅកាន់ហាងខាងក្រោមដែលទទួលសិទ្ធិពី Harmony Auto សម្រាប់ការប្រឹក្សាឬកក់រថយន្ត៖

1. BYD 6A Chroy Changva 4S Center（100meter from Chroy Changva bridge）
   Hotline：017 555 941
2. BYD City Mall Showroom（Street 217, opposite City Mall Market）
   Hotline：017 555 844
3. BYD Chip Mong Mall 271 Showroom（Street 271, 2nd Floor, Chip Mong Shopping Mall）
   Hotline：017 555 422
4. BYD Monivong Showroom（Street 93, corner of Street 322, Boeung Keng Kang 1）
   Hotline：010 886 811
5. BYD Chbar Ampov NR1 Showroom（National Road No.1, 16f, Street 361, Phnom Penh）
6. BYD ORKIDE Showroom（Street 2004, Sleng Roleung Village, Ou Baek K’am, Sen Sok District）
   Hotline：0962696888

សម្រាប់ព័ត៌មានបន្ថែម សូមចូលទៅកាន់ហាងដែលទទួលបានសិទ្ធិផ្លូវការរពី BYD ដើម្បីប្រឹក្សាយោបល់!

អំពី BYD
BYD គឺជាក្រុមហ៊ុនផលិតរថយន្តអគ្គិសនីឈានមុខគេលើពិភពលោក ដែលបានប្តេជ្ញាចិត្តក្នុងការលើកកម្ពស់ការធ្វើដំណើរបៃតងតាមរយៈការច្នៃប្រឌិតបច្ចេកវិទ្យា។ ជាមួយនឹងបច្ចេកវិទ្យាថ្មទំនើប ប្រព័ន្ធបើកបរឆ្លាតវៃ និងការរចនាផលិតផលដ៏ល្អឥតខ្ចោះ, BYD ត្រូវបានទទួលស្គាល់ និងការជឿជាក់យ៉ាងទូលំទូលាយជុំវិញពិភពលោក។ នៅពេលអនាគត BYD នឹងបន្តត្រូវបានដឹកនាំដោយតម្រូវការរបស់អ្នកប្រើប្រាស់ និងដាក់ចេញនូវម៉ូដែលរថយន្តអគ្គិសនីដែលមានគុណភាពខ្ពស់បន្ថែមទៀត ដើម្បីលើកកម្ពស់ការអភិវឌ្ឍន៍នៃការធ្វើដំណើរបៃតងជាសកល។

អំពី Harmony Auto
Harmony Auto Group គឺជាក្រុមហ៊ុនអន្តរជាតិដែលបានចុះបញ្ជីដែលមានឯកទេសខាងផ្នែកលក់រថយន្ត ដោយមានប្រតិបត្តិការអាជីវកម្មជាង 20 ប្រទេស និងមានហាងជាង 300 កំពុងដំណើរការ។ ក្នុងនាមជាភ្នាក់ងារចែកចាយ ផ្តាច់មុខដែលទទួលបានសិទ្ទិផ្លូវការពី BYD នៅកម្ពុជា, Harmony Auto ប្តេជ្ញាផ្តល់ជូនអតិថិជនកម្ពុជានូវការលក់ និងសេវាកម្មក្រោយពេលលក់រថយន្តប្រកបដោយវិជ្ជាជីវៈ និងគុណភាពខ្ពស់ ព្រមទាំងលើកកម្ពស់ការអភិវឌ្ឍន៍យ៉ាងឆាប់រហ័សនៃឧស្សាហកម្មរថយន្តអគ្គិសនី ។

ភ្នំពេញ ថ្ងៃទី២០ ខែតុលា ឆ្នាំ២០២៥ – ក្រុមហ៊ុនហ៊ីយ៉ាន់ដាយមានសេចក្តីរំភើបជាខ្លាំង ក្នុងការបង្ហាញនូវវត្តមានរថយន្ត The new Hyundai TUCSON ឆ្នាំ២០២៥​ ជាផ្លូវការលើកដំបូងក្នុងព្រះរាជាណាចក្រកម្ពុជា ក្រោយការដឹកនាំដ៏ខ្ពង់ខ្ពស់របស់ Mr. Brian Ko – CEO & President of Hyundai Camko Motor Company ដែលបានប្រព្រឹត្តនៅក្នុងផ្សារទំនើប អ៊ីអន ម៉ល សែនសុខ ស៊ីធី។

ពិតណាស់ក្រុមហ៊ុនហ៊ីយ៉ាន់ដាយមិនអោយអតិថិជនខកបំណងទេ រឹតតែផ្តល់នូវអ្វីដែលពិសេសលើសពីការរំពឹងទុក ដូចគ្នានឹងរថយន្ត The new Tucson ឆ្នាំ២០២៥នេះ មិនត្រឹមតែមានការកែប្រែមុខថ្មី និងផ្លាស់ប្តូរផ្នែកខាងក្នុងថ្មីនោះទេ ប៉ុន្តែកំពុងបង្ហាញពីចក្ខុវិស័យរីកចម្រើនរបស់ក្រុមហ៊ុនហ៊ីយ៉ាន់ដាយចំពោះការច្នៃប្រឌិត គុណភាព និងរចនាប័ទ្ម។

លោកស្រី លាង សារ៉េន ប្រធានផ្នែកលក់បានមានប្រសាសន៍ថា “រថយន្ត Tucson មានការផ្លាសប្តូរថ្មីពីមួយជំនាន់ទៅមួយជំនាន់ កែប្រែរូបរាង បន្ថែមលក្ខណៈពិសេសៗ ទៅតាមសម័យកាល ភាពជឿនលឿន និងតម្រូវការទីផ្សារ រហូតដល់មានការបញ្ជាទិញពីអតិថិជនជាខ្លាំងពីមួយឆ្នាំទៅមួយឆ្នាំគួរអោយកត់សំគាល់។ ​ យោងទៅតាមកំណត់ត្រាលក់ដ៏ជោគជ័យទាំងនៅអឺរ៉ុបនិងនៅកម្ពុជា ជាពិសេសជាមួយនឹងការរចនាមុខថ្មី រូបរាងដ៏លេចធ្លោ បច្ចេកវិទ្យាទំនើបចុងក្រោយ និងការឆ្នៃប្រឌិត ទាំងអស់នេះបញ្ជាក់ ក៏ដូចជាបង្ហាញឱ្យយើងឃើញថា The new Tucson ឆ្នាំ២០២៥ ជំនាន់ទី៤នេះ បានត្រៀមខ្លួនរួចជាស្រេចដើម្បីបន្ត និងរក្សាកេរ្តិ៍ឈ្មោះរបស់ខ្លួនក្នុងនាមជាអ្នកនាំមុខគេនៅក្នុងរង្វង់រថយន្តSUVដូចគ្នា”។

The new TUCSON ឆ្នាំ២០២៥​ កាន់តែលេចធ្លោជាងមុនជាមួយការចនាមុខថ្មី ចំនែកផ្នែកខាងក្នុងក៏មានការរចនាចង្កូតថ្មី, អេក្រង់កោងវែងថ្មី The new panoramic curved display, ចង្កឹះលេខថ្មីបែប Column-type Shift-By-Wire, មុខងារបង្ហាញព័ត៌មានលើកញ្ចក់ Head-up Display, ប្រព័ន្ធឈ្លាសវៃ និងប្រព័ន្ធសុវត្ថិភាស់ជំនួយដល់ការបើកបរ Hyundai SmartSense and advanced safety feature, បំពាក់ម៉ាស៊ីនសាំងកម្លាំងរហូតដល់ ១.៦លីត្រ ​ជំនួយដោយTurbo និងប្រព័ន្ធHTRAC ព្រមទាំងមានមុខងារពិសេសៗជាច្រើនទៀត។

ទិញ The new TUCSON ឆ្នាំ២០២៥ ឥឡូវនេះ ចំណេញ ៣​,៥០០ដុល្លារភ្លាមៗ ព្រមទាំងទទួលបានការធានារយៈពេលវែងរហូតដល់៥ឆ្នាំ ឬ១០០,០០០គីឡូម៉ែត្រ និងការថែមជូនជាច្រើនទៀត។ ប្រញាប់ឡើង កុំឲ្យឱកាសដ៏ពិសេសនេះកន្លងផុតទៅ ការផ្តល់ជូននេះសម្រាប់តែក្នុងខែតុលានេះប៉ុណ្ណោះ។

Test driveក៏មាន ស្តុកក៏មាន ទិញភ្លាម បានភ្លាម!

ទំនាក់ទំនងមកឥឡូវនេះ ទីប្រឹក្សាផ្នែកលក់រីករាយស្វាគមន៍ នឹងជម្រាបជូនរាល់ព័ត៌មានលម្អិត

តាមរយៈលេខទូរស័ព្ទ៖ 010 755 133, 097 755 8133 ឬ តាមរយៈតេឡេក្រាម៖ https://t.me/HyundaiCamkoHeadofsales

Facebook page៖ Hyundai-Cambodia

សូមបញ្ជាក់ថា Hyundai Cambodia ត្រូវបានបង្កើតឡើងនៅឆ្នាំ ២០០៩ ហើយបានផ្តល់សេវាកម្ម​ដែល​មានគុណភាពខ្ពស់ជូនអតិថិជនជាច្រើនឆ្នាំ។ ក្រុមហ៊ុន ខេមកូ ម៉ូធ័រ ខមភេនី ជាក្រុមហ៊ុននាំចូល និងចែកចាយផ្តាច់មុខតែមួយគត់នៅក្នុងព្រះរាជាណាចក្រកម្ពុជា ជាពិសេសផ្គត់ផ្គង់នូវរថយន្តប្រភេទ SUV និង MPV ជាច្រើន។ បច្ចុប្បន្នក្រុមហ៊ុនហ៊ីយ៉ាន់ដាយមានអគារដាក់តាំងបង្ហាញរថយន្តហ៊ីយ៉ាន់ដាយ៤សាខា មជ្ឃមណ្ឌលថែទាំរថយន្តហ៊ីយ៉ាន់ដាយ៣សាខា និងរោងចក្រដំឡើងរថយន្តផ្ទាល់នៅក្នុងព្រះរាជាណាចក្រកម្ពុជា។

Peugeot (ពើហ្សូ)ដែលជាឈ្មោះល្បីល្បាញនៅក្នុងឧស្សាហកម្មរថយន្តពិភពលោក មានមោទកភាពក្នុងការប្រារព្ធខួបលើកទី 214 របស់ខ្លួននៅក្នុងប្រទេសកម្ពុជា។ ព្រឹត្តិការណ៍ដ៏សំខាន់នេះកត់សម្គាល់លើសមិទ្ធិផលដ៏ពិសេសជាងពីរសតវត្សដែលទាក់ទងនឹង ភាពច្នៃប្រឌិតឥតឈប់ឈរ និងកេរ្តិ៍ដំណែលដែលបង្កើតឡើងនៅលើសិល្បៈក្នុងការឆ្នៃរថយន្តប្រកបដោយ គុណភាព។ ត្រូវបានបង្កើតឡើងក្នុងឆ្នាំ 1810 Peugeot (ពើហ្សូ) បានរីកចម្រើនពីសហគ្រាសខ្នាតតូចដែលដំណើរការដោយគ្រួសារទៅជាក្រុមហ៊ុនផលិតរថយន្តដ៏ល្បីបំផុតមួយរបស់ពិភពលោក ដែលទទួលស្គាល់ចំពោះការប្តេជ្ញាចិត្តរបស់ខ្លួនលើ ឧត្តមភាព និងបច្ចេកវិទ្យាទំនើប។ 

កេរ្តិ៍ដំណែលទាក់ទាញនៃការរចនា និងដំណើរការ

ភាពទាក់ទាញរបស់Peugeot(ពើហ្សូ)គឺស្ថិតនៅក្នុងសមត្ថភាពរបស់វាក្នុងការបញ្ចូលគ្នានូវសោភ័ណភាពដ៏គួរឱ្យទាក់ទាញ អមមកជាមួយនឹងគុណភាពដ៏ប្រសើរ។

រថយន្តនិមួយៗត្រូវបានផលិតឡើងដោយការយកចិត្តទុកដាក់យ៉ាងម៉ត់ចត់ គិតទាំង

ព័ត៌មានលម្អិតរបស់រថយន្ត ការផ្គុំបញ្ចូលគ្នាដ៏ល្អឥតខ្ចោះនៃរចនា ផាសុកភាព និងមុខងាររបស់រថយន្ត។

ជារួមប្រវត្តិដ៏សំបូរបែបរបស់ម៉ាកយីហោនេះ គឺស្ថិតនៅក្នុងការច្នៃប្រឌិត រាប់តាំងពីការផលិតរថយន្ត រហូតដល់ ធាតុផ្សំនៃការរចនា ដំណើរការផលិតដ៏ល្អឥតខ្ចោះ ដែលកំណត់និន្នាការនៅក្នុងឧស្សាហកម្មនេះ។

នៅក្នុងប្រទេសកម្ពុជា រថយន្ត Peugeot (ពើហ្សូ)បានក្លាយខ្លួនជានិមិត្តរូបនៃភាពប្រណីត និងភាពជឿជាក់ ដោយផ្តល់ជូននូវរថយន្តជាច្រើនប្រភេទដែលបំពេញតាមចំណង់ចំណូលចិត្តពិសេស

របស់អ្នកប្រើប្រាស់ក្នុងស្រុក។ ការប្តេជ្ញាចិត្តរបស់ម៉ាកយីហោចំពោះគុណភាព និងការពេញចិត្តចំពោះ អតិថិជនរបស់ខ្លួន បានអនុញ្ញាតឱ្យវារីកចម្រើននៅក្នុងទីផ្សារកម្ពុជា ដែលបង្ហាញថា អតិថិជនពេញចិត្តចំពោះភាពឆើតឆាយ និងបច្ចេកវិទ្យាទំនើបរបស់រថយន្ត។

Peugeot​ (ពើហ្សូ) បន្តនូវសន្ទុះដ៏រឹងមាំរបស់ខ្លួន ដោយសម្រេចបានការលក់ជាសកលរហូតដល់ចំនួន 1,124,268 នៅឆ្នាំ 2023 ពោលគឺកើនឡើង 6% បើធៀបនឹងឆ្នាំ 2022។ កំណើននេះបង្ហាញពីវត្តមានរបស់ម៉ាកយីហោដែលកំពុងកើនឡើង ដែលជំរុញដោយការផ្តោតជាយុទ្ធសាស្ត្ររបស់ខ្លួនលើការធ្វើអន្តរភាវូបនីយកម្ម។ គួរកត់សម្គាល់ថាការលក់នៅខាងក្រៅ EU29 ឥឡូវនេះតំណាងឱ្យ 28.2% នៃការលក់សរុបទូទាំងពិភពលោក ដែលឆ្លុះបញ្ចាំងពីការកើនឡើង 0.8 ពិន្ទុធៀបនឹងឆ្នាំមុន។ លើសពីនេះ ប្រទេសចំនួន 17 សម្រេចបានចំណែកទីផ្សារល្អបំផុតរបស់ពួកគេក្នុងរយៈពេល 15 ឆ្នាំ ដោយពង្រឹងភាពទាក់ទាញជាសកលរបស់ Peugeot (ពើហ្សូ) និងការប្រកួតប្រជែងទីផ្សារ។

លោកស្រី ហៃ រដ្ឋា ប្រធាន​គ្រប់​គ្រង​ទូទៅ​ក្រុមហ៊ុន Peugeot Cambodia បាន​ថ្លែង​ថា៖ «យើង​មាន​មោទកភាព​យ៉ាង​ខ្លាំង​ក្នុង​ការ​ប្រារព្ធ​ខួប​លើក​ទី 214ឆ្នាំរបស់ Peugeot​ (ពើហ្សូ) នៅ​កម្ពុជា។ «ព្រឹត្តិការណ៍ដ៏សំខាន់នេះ មិនមែនគ្រាន់តែជាការអបអរសាទរប្រវត្តិសាស្ត្ររបស់យើងប៉ុណ្ណោះទេ ប៉ុន្តែក៏ជាការឆ្លុះបញ្ចាំងពីការប្តេជ្ញាចិត្តរបស់យើងក្នុងការបន្តជំរុញព្រំដែននៃការច្នៃប្រឌិត និងការនាំយករថយន្តល្អៗ ទំនើប ទាន់សម័យ សន្សំសំចៃ គុណភាពខ្ពស់ ដើម្បីសមស្របនឹងតម្រូវការអតិថិជន របស់យើងនៅក្នុងប្រទេសកម្ពុជា»។

រថយន្តពើហ្សូ ទទួលបានពានរង្វាន់រថយន្តប្រចាំឆ្នាំទៅលើការសន្សំសំចៃប្រេងសាំងតិចបំផុត Best Saving SUV ការរចនារូបរាងស្អាតបំផុត និងរថយន្តល្អបំផុត។ ជាការពិតណាស់ រថយន្តដំបូងរបស់ពើហ្សូដែលមានកង់បីត្រូវបានបង្កើតឡើងដោយដៃមានឈ្មោះថា Armand Peugeot ក្នុងឆ្នាំ 1810 និងក្រោយមកពើហ្សូក៏បានវិវឌ្ឍន៏ខ្លួនក្នុងការផលិតរថយន្តជាច្រើនទៀត ដូចជារថយន្តម៉ូឌែល 2008 3008 និង5008 ដែលមានរូបស្អាតទាក់ទាញ រថយន្តអគ្គិសនី រថយន្តបែបស្ព័រដែលទាន់សម័យ និងទំនើបហើយមានការគាំទ្រខ្លាំងពីសំណាក់អតិថិជន។​ ការផលិតរថយន្តទាំងនេះ បានបង្ហាញថា​ក្រុមហ៊ុនមានការយកចិត្តទុកដាក់ខ្លាំងចំពោះតម្រូវការ អតិថិជន។

កម្មវិធីគម្រប់ខួបនេះនឹងនាំ អតិថិជន​ដែល​និយម​ស្រឡាញ់គាំទ្រ​រថយន្ត​ Peugeot (ពើហ្សូ) និង​អ្នកជំនាញ​ក្នុងវិស័យ​រថយន្ត​ដើម្បី​មក​ទទួល​យក​បទពិសោធន៍ដ៏អស្ចារ្យនៃ​ការ​បង្ហាញពីប្រវត្តិម៉ាកយីហោ Peugeot (ពើហ្សូ) ម៉ូដែល​រថយន្ត Peugeot (ពើហ្សូ) នាពេល​បច្ចុប្បន្ន​​ និងចក្ខុវិស័យសម្រាប់អនាគត។​ អ្នកចូលរួមនឹង​មាន​ឱកាស​ដើម្បីស្វែងយល់អំពីម៉ូដែលរបស់ Peugeot (ពើហ្សូ) 2008 3008 5008 ដែលមានរូបរាងស្អាត ល្អ គួរឲ្យទាក់ទាញ រួមទាំងការទទួលបានបទពិសោធន៍ថ្មីក្នុងការបើក​បរសាកល្បង។

សម្រាប់ព័ត៌មានបន្ថែម ក្នុងកក់ការបើកសាកល្បងលោក អ្នកអាចធ្វើការទាក់ទងបានតាម | សាខាកាល់ម៉ែត ឬ សាខាពោធិ៍ចិនតុង។

អំពី Peugeot (ពើហ្សូ)

ត្រូវ​បាន​បង្កើតឡើងក្នុងឆ្នាំ 1810 Peugeot​គឺជាក្រុមហ៊ុនផលិតរថយន្តឈានមុខគេលើពិភពលោក​ដែល​មាន​កេរ្តិ៍ឈ្មោះក្នុងការលាយបញ្ចូលគ្នានូវបច្ចេកវិទ្យាទំនើបជាមួយនឹងការរចនាដ៏ប្រណីត។ ក្នុងរយៈពេល ២១៤ ឆ្នាំកន្លងមកនេះ Peugeot បានបង្កើតរថយន្តដែលបង្កប់នូវការអនុវត្ត រចនាបទ និងនិរន្តរភាព ដោយបន្តកំណត់ស្តង់ដារថ្មីនៅក្នុងឧស្សាហកម្មរថយន្ត។ ជាមួយនឹងការប្តេជ្ញាចិត្តចំពោះការច្នៃប្រឌិត និងការពេញចិត្តរបស់អតិថិជន រថយន្ត Peugeot ត្រៀមខ្លួនជាស្រេចដើម្បីរៀបចំអនាគតនៃការចល័ត។

ភ្នំពេញ ថ្ងៃទី​ ២៧ ខែ កញ្ញា ឆ្នាំ ២០២៤ ក្រុមហ៊ុន KNN Cambodia បានរៀបចំនូវសន្និសីទសារព័ត៌មានស្តីពីការទទួលស្គាល់សិទ្ធិនាំចូលនិងចែកចាយផ្តាច់មុខរថយន្ត JETOUR របស់ក្រុមហ៊ុន ខេ អិន អិន ខេមបូឌា ដោយក្រសួងពាណិជ្ជកម្ម។ សន្និសីទសារព័ត៌មាននេះ ធ្វើឡើងក្នុងគោលបំណងផ្សព្វផ្សាយ និងជំរាបជូនជាសធារណៈជនទាំងអស់ អំពីការទទួលស្គាល់សិទ្ធិចែកចាយផ្តាច់មុខ រថយន្ត និងគ្រឿងបន្លាស់គ្រប់ម៉ូដែល របស់ម៉ាក JETOUR របស់ ក្រុមហ៊ុន ខេ អិន អិន ខេមបូឌា។

យោងតាមលិខិតទទួលស្គាល់សិទ្ធិនាំចូលនិងផ្តាច់មុខចែកចាយផ្តាច់មុខ ដែលចេញពីក្រសួងពាណិជ្ជកម្មសាធារណៈរដ្ឋប្រជាមានិតចិនចុះថ្ងៃទី២២ សីហាឆ្នាំ២០២៤ និងលិខិតចេញពីក្រួសួងពាណិជ្ជកម្មកម្ពុជាចុះថ្ងៃទី ១៩​ កញ្ញា​ ឆ្នាំ ២០២៤​​  តាមរយៈលិខិតកត់ត្រាទទួល​ស្គាល់សិទ្ធិនាំចូលនិង​ចែកចាយ​ផ្តាច់មុខលេខ ៣១៤៩ គឺបានទទួលស្គាល់ថា ក្រុមហ៊ុន ខេ អិន អិន ខេមបូឌា គឺជា ក្រុមហ៊ុនតែមួយគត់ ដែលមានសិទ្ធិ នាំចូលចែកចាយ នូវរថយន្ត គ្រឿងបន្លាស់ និងសេវាកម្ម ម៉ាក JETOUR គ្រប់ម៉ូដែលទូទាំងប្រទេសកម្ពុជា ហើយក៏ជាក្រុមហ៊ុនតែមួយគត់ ដែលមានសិទ្ធិ ក្នុងការប្រើប្រាស់ ឬចាត់ចែងផ្តល់សិទ្ធិប្រើប្រាស់ ផ្សព្វផ្សាយ និងការលើកស្លាកសញ្ញា JETOUR នៅព្រះរាជាណាចក្រកម្ពុជាផងដែរ។

លោក GARY ZHANG,  Country Manager of JETOUR International បានលើកឡើងថា៖” ក្រុមហ៊ុនផលិតរថយន្ត JETOUR ស្ថិតក្រោមក្រុមហ៊ុន Chery Holding Group គឺជាសម្ព័ន្ធក្រុមហ៊ុនដែលនាំចេញរថយន្តច្រើនជាងគេ Top 2 ទូទាំងពិភពលោក ដែលទទួលបានការគាំទ្រយ៉ាងខ្លាំងក្លាជាពិសេសទីផ្សារអារ៉ាប់រួម និងអាហ្វ្រិក បានចាប់ផ្តើមបោះជំហ៊ានចូលទីផ្សារកម្ពុជាជាផ្លូវការនាចុងឆ្នាំ២០២៣នេះ តាមរយៈការផ្តល់សិទ្ធិនាំចូលនិងចែកចាយផ្តាច់មុខទៅក្រុមហ៊ុន ខេអិនអិន ខេមបូឌា។ ការជ្រើសរើសក្រុមហ៊ុន KNN CAMBODIA ជាក្រុមហ៊ុនផ្តាច់មុខនេះ JETOUR AUTO គឺបានសិក្សាយ៉ាងល្អិតល្អន់ និងតឹងរឹងបំផុតទៅលើគុណសម្បត្តិរបស់ក្រុមហ៊ុនដែលជាដៃគូសហការ ក្នុងនោះដែរ KNN គឺជាក្រុមហ៊ុនដែលមានកិត្យានុភាព និងបទពិសោធន៍ច្រើនជាង២០ឆ្នាំលើការចែកចាយគ្រឿងចក្រធុនធ្ងន់នៃកម្ពុជា ក៏ជាក្រុមហ៊ុនដែលពោលពេញដោយទំនួលខុសត្រូវទៅលើការផ្តល់សេវាធានា គ្រឿងបន្លាស់ ការបំពេញចិត្ត និងរក្សាគុណភាពខ្ពស់ទៅអតិថិជន។ “

លោក អ៊ឹង មុយហ្គេច នាយកប្រតិបត្តិប្រតិបត្តិការនៃក្រុមហ៊ុន KNN CAMBODIA ក៏បានបន្ថែមផងដែរថា “ក្រុមហ៊ុន ខេ អិន អិន គឺជាអ្នកនាំចូល និងចែកចាយផ្តាច់មុខរថយន្ត JETOUR តែមួយគត់នៃកម្ពុជា  ដូចនេះសម្រាប់អ្នកនាំចូល និងចែកចាយរថយន្ត JETOUR ខុសច្បាប់ ក្រុមហ៊ុន ខេ អិន អិន ខេមបូឌា នឹងសហការជាមួយអជ្ញារធរ និងក្រសួងមានសមត្ថកិច្ច អនុវត្តន៍និតិវិធីផ្លូវច្បាប់ ដើម្បីទប់ស្កាត់សកម្មភាពទាំងឡាយដែលរំលោភបំពានលើសិទ្ធិចែកចាយផ្តាច់មុខរបស់ ក្រុមហ៊ុន KNN
CAMBODIA ” ។

ការប្រកាសជាសារធារណៈនេះគឺក្នុងគោលបំណងអោយសារធារណៈជនទទួលជាព័ត៏មានថា រាល់ការជាវរថយន្ត JETOUR ចេញពី Jetour Cambodia អតិថិជននឹងទទួលបាននូវទំនុកចិត្ត​ពីប្រភពនៃរថយន្តគឺព្រោះថា ក្រុមហ៊ុនKNN Cambodia មានការសិក្សាស៊ីជម្រៅ និងជ្រើសយក Spec រថយន្តដែលតម្រូវនឹងស្ថានភាពផ្លូវ និងអាកាសធាតុប្រទេសកម្ពុជា ព្រមទាំងផ្តល់នូវការធានាស្តង់ដារខ្ពស់ពីរោងចក្រ JETOUR ដល់ទៅ៥ឆ្នាំ ឬ១៥ម៉ឺនគីឡូ។ ជាពិសេសអតិថិជននិងទទួលបាននូវការធានាសេវាកម្មក្រោយការលក់យ៉ាងត្រឹមត្រូវបំផុតពី Jetour Cambodia​ ជាមួយនូវប្រព័ន្ធឆែកលេខ VIN រថយន្ត និងប្រព័ន្ធស្កេនជួសជុលដោយបច្ចេកវិទ្យាខ្ពស់បំផុត (High Tech) ការប្រើប្រាស់គ្រឿងបន្លាស់សុទ្ធ ក្រុមជាងបច្ចេកទេសជំនាញដែលបណ្តុះបណ្តាល និងទទួលស្គាល់ដោយ JETOUR ទាំងនេះគឺដើម្បីធានាអោយបាននូវគុណភាពនៃការប្រើប្រាស់ ការធានា និងទំនុកចិត្តនៃការបើកបររបស់អ្នកប្រើប្រាស់ ។

ប្រសិនបើអតិថិជនជាវរថយន្ត JETOUR ដែលនាំចូល និងចែកចាយខុសច្បាប់ នោះអតិថិជន អាចនឹងទិញបាននូវរថយន្តដែលជា Spec ប្រើក្នុងតំបន់ប្រទេសចិន និងពុំទទួលបានការធានាពីរោងចក្រ JETOUR នោះទេ ហើយអតិថិជនក៏មិនទទួលបានសេវាថែទាំ ការផ្លាស់ប្តូរគ្រឿងបន្លាស់ក្លែងក្លាយ កែច្នៃ ផងដែរ ដូចនេះអតិថិជននឹងបាត់បង់អត្ថប្រយោជន៍ ក៏ដូចជារថយន្តអាចនឹងមានបញ្ហាលើការប្រើប្រាស់ មុខងារសុវត្ថិភាព ឬប្រព័ន្ធបំពាក់ផ្សេងៗ។

សូមបញ្ជាក់ផងដែលថា KNN CAMBODIA នឹងនាំចូលនូវរថយន្ត JETOUR ជាច្រើនម៉ូដែលទៀត មានដូចជា៖ DASHING, T2, X50, X70, X70 Pluses, X90, X95 ល បន្ថែមទៀតក្នុងពេលឆាប់ៗនេះ។ ក្នុងនោះផងដែរដើម្បី​ជួយ​សម្រួល​ដល់​អតិថិជន​ក្នុង​ការ​ទិញ​រថយន្ត​ម៉ូ​ឌែ​លគ្រប់ JETOUR  អតិថិជន​អាច​ជ្រើសរើស​សេវាកម្ម​បង់​រំលស់​របស់​ក្រុមហ៊ុន ឬ​ធនាគារ​ដៃគូ ដោយ​ទទួល​បាន​នូវ​លក្ខខណ្ឌ​បង់​រំលស់​ងាយៗ និង​ឆាប់រហ័ស​នៅទីតាំងផ្ទាល់តែម្តង ជាពិសេសគឺការប្រូម៉ូសិនបញ្ជុះតម្លៃ២០០០ដុល្លាបន្ថែមទៀតក្នុងរដូវការភ្ជុំបិណ្ឌនេះ។

ដើម្បីជ្រាបកាន់តែច្បាស់អាចសាកសួរព័ត៌មានបន្ថែមរយៈ៖

• លេខទំនាក់ទំនង៖ 017 713 713

ក្រុមហ៊ុន RMA Cambodia បានសម្ពោធរថយន្តអគ្គិសនី ​CHANGAN​​ ពីរម៉ូដែលគឺ DEEPAL L07 និង DEEPAL L07 S07 បានដោយជោគជ័យ។ នៅថ្ងៃទី ២៣ ខែ សីហា ឆ្នាំ ២០២៤ ក្រុមហ៊ុន RMA Cambodia បានសម្ពោធរថយន្តអគ្គិសនី CHANGAN ពីរម៉ូឌែលគឺ DEEPAL L07 និង​ DEEPAL L07 S07 នៅសាល ដឹ ព្រេមៀ សេនធ័រ សែនសុខ ដោយឃើញមានវត្តមានដ៏ខ្ពង់ខ្ពស់ពីឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ក៏បានអញ្ជើញជាអធិបតីក្នុងពិធីសម្ពោធរថយន្តអគ្គិសនីនិងថ្នាក់ដឹកនាំជាច្រើនរូបទៀតបានអញ្ជើញចូលរួមផងដែរ។ ក្នុងកម្មវិធីសម្ពោធផ្លូវការរថយន្តអគ្គិសនី​ DEEPAL L07 និង DEEPAL L07 S07 របស់ ដែលនាំចូលផ្តាច់មុខដោយក្រុមហ៊ុន RMA Cambodia គេឃើញមានការ

ចូលរួមយ៉ាងច្រើនកុះកររាប់ពាន់នាក់ពីសំណាក់អតិថិជន អ្នកជំនាញរថយន្តល្បីៗ អ្នក បង្កើតមាតិកា តារាចម្រៀងល្បីៗសិល្បៈករនិងអ្នកសារព័ត៌មានជាច្រើនរូបផងដែរ។ 
រថយន្ត ​DEEPAL L07 និង DEEPAL L07 S07​ ទាំងពីរនេះគឺមានចំណុចពិសេសៗជាច្រើនដែលកម្រឃើញមាននៅលើរថយន្តអគ្គិសនីផ្សេងៗទៀតគឺ​ ការឌីហ្សាញ បែបស្ព័ត និង លុចសារី ដែលមិនធ្លាប់មាននៅក្នុងទីផ្សារប្រទេសកម្ពុជាយើងនោះទេ ។រថយន្តអគ្គិសនី DEEPAL L07 គឺជាប្រភេទរថយន្តដែលមាននូវតួរខ្លួនបែប Sedan មានកម្លាំង​ ១៩០KW ឬ​​ ២៥៨ Hp ដែលអាចបង្កើតកម្លាំងរមួលបាន ៣២០ Nm ដោយសាកថ្មមួយពេញអាចរត់បានចម្ងាយរហូតដល់ទៅ ៦១០ Km ដោយជាន់ពី ០​ ទៅ ១០០ Km/h ចាយពេលត្រឹមតែ ៦.៧ វិនាទីតែប៉ុណ្ណោះ ហើយមានជម្រើសបួនពណ៌គឺ ពណ៌បៃតង(Nebula Green), ពណ៌ស (Comet White), ពណ៌ប្រផះ (Lunar Gray) និងពណ៌ខ្មៅ (Eclipse Black)។ រីឯម៉ូឌែល មានតួរខ្លួនជាប្រភេទរថយន្ត SUV វិញ ដែលមាននូវសមត្ថភាពមិនសូវជាខុសគ្នាប៉ុន្មានជាមួយនឹងម៉ូឌែល   ប៉ុន្មាននោះទេដោយរថយន្តនេះមាននូវកម្លាំង ១៩០ KW ឬ ២៥៨ Hp ដែលអាចបង្កើតនូវកម្លាំងរមួលបាន ៣២០ Nm ដោយសាកថ្មមួយពេញអាចរត់បានចម្ងាយរហូតដល់ទៅ ៦២០Km  ដោយជាន់ពី ០ ទៅ ១០០ Km/h ចាយពេលតែ ៧.៥វិនាទីតែប៉ុណ្ណោះ ហើយមាននូវជម្រើសបួនពណ៌គឺពណ៌ត្រួយចេក(ComicYellow) ,ពណ៌ ក្រហមបែកទឹកក្រូច (Sunset Orange), ពណ៌ស (Comet white) និង ពណ៌ខ្មៅ (Comet Black)។រថយន្តទាំងពីរម៉ូឌែលនេះមិនថា DEEPAL L07 ឬក៏ DEEPAL L07 S07 គឺរូបរាងនៃរថយន្តរចនាបែបស្ព័ត អនាគត ល្អិតល្អន់ប្រណិតទ្បូយឆាយ លំដាប់ថ្នាក់អន្តរជាតិនិងរួមបញ្ចូលមកនូវប្រព័ន្ធឆ្លាតវៃនិងផាសុខភាពផងដែរ ចំណែកឯតួរខ្លួននិងប្រព័ន្ធជើងក្រោមរឹងមាំ ថ្មស្រោបដោយលោហៈធាតុរឹងមាំសុវត្ថិភាពនូវក្នុងការបើកបរ រីឯតម្លៃវិញគឺមិនគួរឲ្យជឿរ DEEPAL L07 តម្លៃត្រឹមតែ ៤៤,៩០០ ដុល្លារតែប៉ុណ្ណោះ រីឯ DEEPAL L07 S07 វិញតម្លៃត្រឹមតែ ៤៩,៩០០ ដុល្លារតែប៉ុណ្ណោះនិងមានការធានាជូនរហូតដល់៨ឆ្នាំដូចគ្នា ។គួរបញ្ជាក់ផងដែរថារថយន្ត CHANGAN ដែលនាំចូលដោយ RMA Cambodia សុទ្ធសឹងតែមាននូវតម្លៃទៅតាមស្តង់ដារ មិនងាយបញ្ចុះតម្លៃឬធ្លាក់ថ្លៃនៅពេលក្រោយនោះទេ ដែលធ្វើឲ្យអតិថិជនប្រើរថយន្តជាមួយទំនុកចិត្ត មិនចាំបាច់ភ័យព្រួយបារម្ភខ្លាចរថយន្ត ធ្លាក់ថ្លៃខ្លាំងនៅពេលក្រោយ  ជាពិសេសថែមទៀតនោះគឺសេវាកម្មថែទាំអតិថិជន ក្រោយពេលទិញរថយន្តរួច មិនចាំបាច់ត្រូវព្រួយបារម្មណ៍អំពីហានិភ័យផ្សេងៗលើការជួសជុលដោយយថាហេតុណាមួយនិងការចំណាយច្រើនលើការជួសជុលព្រោះមាននូវការធានាច្បាស់លាស់ពីក្រុមហ៊ុន RMA Cambodia​ ដោយផ្ទាល់តែម្តង  ។

នៅក្នុងនោះដែរលោកអ្នកក៏អាចធ្វើការអញ្ជើញមកមើលរថយន្តបានដោយផ្ទាល់បាននិងអាចធ្វើការបើកបរសាកល្បងនៅ៖

•  អាគារតាំងបង្ហាញរថយន្ត Changan Cambodia នៅតាមបណ្តោយមហាវិថីមនីវង្ស (ទល់មុខស្ថានទូតវៀតណាម)
• ទាក់ទងមកផេក Facebook ផ្លូវការ ៖ Changan Cambodia (https://www.facebook.com/ChanganKH/)
• លេខទូរស័ព្ទ៖ 011 999 375

អំពី CHANGAN AUTO ៖

បច្ចុប្បន្ននេះរថយន្ត CHANGAN បានកំពុងវាយលុកលើទីផ្សារធំៗជាច្រើន ក្នុងនោះមានច្រើនជាង ៤០ ប្រទេសដែលបានទទួលសិទ្ធលក់ដូចជាប្រទេសរុស្ស៊ី, សហភាពអារ៉ាប់រួម, អារ៉ាប៊ីសាអ៊ូឌីត, អេស៊ីប, កាតា, អាហ្សង់ទីន, កូឡុំប៊ី, ឈីលី, នីហ្សេរីយ៉ា, ម៉ាឡេស៊ី, វៀតណាម, ហ្វីលីពីន, និង ប៉ាគីស្ថានផងដែរ។

Changan មានបទពិសោធផលិតរថយន្តជាង៤០ឆ្នាំ មានវិស្វករ និងអ្នកបច្ចេកទេស 18000នាក់ មកពី៣០ប្រទេសជុំវិញពិភពលោក មានវិទ្យាស្ថានស្រាវជ្រាវនិងអភិវឌ្ឍន៍ R&Dនៃទីក្រុងចំនួន១០ សំខាន់ៗនៅក្នុងប្រទេសប៉ែកអុឺរ៉ុប និង អាសុី។ រថយន្តCHANGAN ទទួលបានពានរង្វាន់លើផ្នែកឌីស្សាញ ជាច្រើន លើឆាកអន្តរជាតិក្នុងនោះ DEEPAL L07 ទទួលបានពាន Reddot Product Design ក្នុងឆ្នាំ២០២៣ ពីស្ថាប័ន Reddot។

ភ្នំពេញ ថ្ងៃទី 12 ខែសីហា ឆ្នាំ 2024 – Stellantis បានប្រកាសថា ក្រុមហ៊ុន អ អិម អេ (ខេមបូឌា) ម.ក. គឺជាដៃគូសេវាកម្មផ្នែកថែទាំ និងជួសជុល សម្រាប់រថយន្តម៉ាក Jeep® និង RAM នៅកម្ពុជា ដែលមានប្រសិទ្ធភាពចាប់ពីថ្ងៃនេះតទៅ។Jeep ត្រូវបានបង្កើតជាកេរ្តិ៍ដំណែលដ៏អស្ចារ្យនៅក្នុងអំឡុងពេលជាង ៨០ឆ្នាំកន្លងមកនេះ ដែលបង្ហាញថារថយន្ត ​Jeep គឺជារថយន្តប្រភេទ SUV ដែលមានសមត្ថភាព ភាពប៉ិនប្រសប់ និងអាចសម្របគ្រប់ស្ថានភាពផ្លូវសម្រាប់បំពេញតម្រូវការ ធ្វើដំណើរដែលល្អឥតខ្ចោះ។ ចំណែកឯរថយន្ត RAM គឺជាប្រភេទរថយន្តPick Up ប្រភេទធំ ដែលត្រូវបានគេដឹងថាជាប្រភេទរថយន្តដែលធន់ និងអាចប្រើប្រាស់បានយូរបំផុតនៅ សហរដ្ឋអាមេរិក ដែលនេះសរបញ្ជាក់ថា រថយន្តនេះអាចប្រើប្រាស់បានលើសពីដែនកំណត់ ប្រកបដោយភាពងាយស្រួល និងបច្ចេកវិទ្យាទំនើប។លោក ងន សាំង អគ្គនាយកនៃក្រុមហ៊ុន អ អិម​ អេ ខេមបូឌា មានប្រសាសន៍ថា៖ «យើងពិតជាមានសេចក្តីសោមនស្សរីករាយជាខ្លាំងសម្រាប់ ការទទួលសិទ្ធិផ្តាច់មុខលើការផ្តល់សេវាកម្មថែទាំ និងជួសជុលរថយន្តម៉ាក Jeep® និង RAM ដល់អតិថិជននៅកម្ពុជា។ ក្រុមការងារយើងខ្ញុំមានជំនាញយ៉ាងច្បាស់លាស់ ព្រោះគាត់ទំាងអស់គ្នាសុទ្ធតែទទួលបានការបង្ហាត់បង្រៀន និងទទួលស្គាល់ពីសមត្ថភាពក្នុងការផ្តល់សេវាកម្ម និងបម្រើជូនអតិថិជនស្របតាមស្តង់ដាត្រឹមត្រូវរបស់ម៉ាកទាំងពីរនេះ។«ស្របតាមការប្តេជ្ញាចិត្តរបស់ពួកយើងក្នុងការផ្តល់នូវគុណភាពសេវាកម្មដល់អតិថិជន កិច្ចសហការការងារជាដៃគូជាមួយក្រុមហ៊ុន អ អិម អេ (ខេមបូឌា) ម.ក. នឹងពង្រឹងបទពិសោធន៍សេវាកម្មក្រោយការលក់ចំពោះការថែទាំ និងជួសជុល រថយន្ត Jeep® និង RAM ជូនដល់អតិថិជនក្នុងប្រទេសកម្ពុជាឱ្យកាន់តែប្រសើរជាងមុន។ ក្រុមការងាររបស់យើងខ្ញុំមានភាពជឿជាក់យ៉ាងពេញទំហឹង ក្នុងការផ្តល់ជូនអតិថិជនរបស់យើងនូវជំនួយផ្នែកសេវាកម្មកម្រិតខ្ពស់បំផុត ដើម្បីធានាថា រថយន្តម៉ាក Jeep® និង RAM នៅតែបន្តផ្តល់នូវដំណើរការដ៏ពិសេសដែលឆ្លុះបញ្ចាំងពីគុណភាព និងភាពជឿជាក់ចំពោះម៉ាកល្បីទាំងពីរនេះដូចដែលគេបានស្គាល់កន្លងមក។»​ នេះជាប្រសាសន៍បន្ថែមដែលបានរៀបរាប់ដោយលោក Daniel Gonzalez, COO, ASEAN, Stellantis ។អតិថិជន​អាច​មកកាន់​មជ្ឈមណ្ឌល​សេវាកម្មថែទាំ និងជួសជុលរថយន្តម៉ាក Jeep® និង RAM នៅ​កែង​មហាវិថី​ឧកញ៉ា ហ៊ុន នាង​ និងមហាវិថីសម្តេច ហ៊ុន សែន (ផ្លូវ៦០ម៉ែត្រ)។
សម្រាប់ព័ត៌មានបន្ថែម ឬធ្វើការណាត់ជួប សូមទំនាក់ទំនងមកលេខ 089 888 117 ។ អំពីក្រុមហ៊ុន អ អិម អេ ខេមបូឌា ម.ក
ក្រុមហ៊ុន អ អិម អេ ខេមបូឌា ម.ក. មានវត្តមាននៅក្នុងព្រះរាជាណាចក្រកម្ពុជាអស់រយៈពេល ៣២ ឆ្នាំមកហើយចាប់តាំងពីឆ្នាំ១៩៩២ ក្នុងការផ្តល់ជូននូវសេវាកម្ម និងនាំយកផលិតផលល្បីៗលើពិភពលោកមកកាន់ទីផ្សារកម្ពុជា រួមមាន៖ វិស័យយានយន្ត កសិកម្ម ហេដ្ឋារចនាសម្ព័ន្ធ ឃ្លាំង សេវាកម្មហិរញ្ញវត្ថុ និងសេវាកម្មជួលរថយន្ត។

ក្រុមហ៊ុននេះជាក្រុមហ៊ុនដែលនាំចូល និងចែកចាយផ្តាច់មុខនូវផលិតផលម៉ាកល្បីៗជាច្រើនដូចជា៖ រថយន្តហ្វដ (Ford) ដែលជារថយន្តជាប់ចំណាត់ថ្នាក់លេខ ១ ក្នុងទីផ្សារឧស្សាហកម្មយានយន្តកម្ពុជារយៈពេល ៥ ឆ្នាំជាប់ៗគ្នា ដែលភាពជោគជ័យរបស់វិស័យយានយន្តហ្វដនេះ ជំរុញឱ្យមានការបើកនូវរោងចក្រតំឡើងរថយន្តហ្វដ នៅក្នុងខេត្តពោធិ៍សាត់កាលពីឆ្នាំ២០២២ បន្ថែមពីនេះក៏មានរថយន្តម៉ាក Land Rover រថយន្ត ChangAn សេវាកម្មជួលជុល និងថែទាំរថយន្ត Mercedes-Benz គ្រឿងចក្រធុនធ្ងន់ម៉ាកជេស៊ីប៊ី (JCB)  រថយន្តដឹកទំនិញFUSO គ្រឿងយន្តកសិកម្មចនឌារ (John Deere) កង់បីព្យាចូ (Piaggio) អាគុយRB ថ្នាំពណ៌RM ម៉ាស៊ីនលើកដាក់ទំនិញម៉ាកTCM ឧបករណ៍សម្អាត និងផលិតផលជាច្រើនទៀតផងដែរ។អំពី Stellantis
Stellantis N.V. (NYSE: STLA / Euronext Milan: STLAM / Euronext Paris: STLAP) គឺជាក្រុមហ៊ុនដែលឈានមុខគេបំផុតក្នុងពិភពលោកសម្រាប់ការផលិតនិងចែកចាយរថយន្ត។ ប្រវត្តិ និងភាពលេចធ្លោពីម៉ាកដ៏ល្បីនេះ បានឆ្លុះបញ្ចាំងពីទស្សនៈនិងចក្ខុវិស័យរបស់ស្ថាបនិកយីហោនេះ អំពីការបំពេញតម្រូវការអតិថិជននាពេលបច្ចុប្បន្ន ក្នុងការផលិតនិងថែទាំចំពោះម៉ាកល្បីៗមួយចំនួនរួមមាន Abarth, Alfa Romeo, Chrysler, Citroën, Dodge, DS Automobiles, Fiat, Jeep®, Lancia, Maserati, Opel, Peugeot, Ram, Vauxhall, Free2move និង Leasys។​ ដោយសារឥទ្ធិពលនៃភាពចំរុះម៉ាកបែបនេះហើយ ដែលធ្វើអោយក្រុមហ៊ុនយើងខ្ញុំនៅតែឈានមុខគេ ក្នុងការជំរុញអោយក្លាយជាក្រុមហ៊ុនបច្ចេកវិទ្យាយានយន្តដែលល្អជាងគេបំផុត បើទោះបីមិនមែនជាក្រុមហ៊ុនដែលធំបំផុតក៏ដោយ ហើយយើងខ្ញុំនឹងនៅតែបន្តបង្កើតតម្លៃបន្ថែមសម្រាប់អ្នកពាក់ព័ន្ធទាំងអស់ ក៏ដូចជាសហគមន៍។

សម្រាប់ព័ត៌មានបន្ថែម សូមចូលទៅកាន់គេហទំព័រ www.stellantis.com ។

For more information, contact:

(Stellantis) Shuk Yin CHEGNE:  +6016 225 7830 – [email protected]

www.stellantis.com

ខែសីហា ឆ្នាំ ២០២៤ – ក្រុមហ៊ុនតាន់ចុង ម៉ូធ័រ (ខេមបូឌា) ភីធីវ៉ាយ អិលធីឌី (Tan Chong Motor (Cambodia) Pty. Ltd. (ហៅថា “ធីស៊ីអេមស៊ី (TCMC)”) ជាក្រុមហ៊ុនលក់ និង ចែកចាយផ្ដាច់មុខរថយន្តនីសាន់ នៅព្រះរាជាណាចក្រកម្ពុជា និងជាបុត្រសម្ព័ន្ធគ្រប់គ្រងទាំងស្រុងនៃ ក្រុមហ៊ុនតាន់ចុងម៉ូធ័រហូលឌីងប៊័រហាដ (ប្រទេសម៉ាឡេស៊ី) មានមោទនភាពក្រៃលែងនាំមកជូន កម្មវិធីសម្ពោធរថយន្ត នីសាន់ណាវ៉ារ៉ាស៊េរីថ្មី ប្រណិតកម្រិតកំពូល សម្រាប់ទីផ្សារនៃព្រះរាជាណាចក្រកម្ពុជា។

លោក Loh Ling Howe នាយកគ្រប់គ្រងនៃ ក្រុមហ៊ុនតាន់ចុងម៉ូធ័រខេមបូឌាបានលើកឡើងថា “យើងពិតជាមានក្ដីរំភើបក្រៃលែងក្នុងការនាំមកជូន រថយន្ត នីសាន់ណាវ៉ារ៉ាស៊េរីថ្មី ប្រណិតកម្រិតកំពូល ដូចយើងបានដឹងរួចហើយថា រថយន្តនីសាន់ណាវ៉ារ៉ាជាកេរដំណែលនៃរថយន្តភីកអាប់មានប្រវត្តិជាង ៩០ ឆ្នាំមកហើយ នឹងនៅតែជារថយន្តមួយដែលរក្សាបានជម្រើសដំបូងគេរបស់អតិថិជនដែលស្វែងរក រថយន្តមានកម្លាំងម៉ាស៊ីនខ្លាំង ដែលមិនត្រឹមតែសក្តិសមនិងតម្រូវការអាជីវកម្មរបស់អតិថិជនប៉ុណ្ណោះទេ វាថែមទាំងជារថយន្តភីកអាប់ល្អឥតខ្ចោះសម្រាប់ការធ្វើដំណើរផ្សងព្រេងទៀតផង”

ទិដ្ឋភាពរួម

នីសាន់ណាវ៉ារ៉ា ដែលឈ្នះពានរង្វាន់ជាច្រើន ទទួលបានការស្ងប់ស្ងែងជារហូតមក ក្នុងចំណោម អតិថិជនដែលស្រឡាញ់រថយន្តភីកអាប់ដោយសាររូបរាងសង្ហា ធន់​ រឹងម៉ាំ សមត្ថភាពខ្លាំង ទំនុកចិត្ត និង ភាពបត់បែនរបស់​

រថយន្ត ដែលធ្វើឱ្យវាក្លាយជាម៉ូដែលមួយទទួលបានការកោតសសើរ និង ស្ងប់ស្ងែងបំផុត ក្នុងចំណោមម៉ាករថយន្តល្បីៗជាច្រើន តាមតំបន់ផ្សេងៗ។

ចាប់តាំងពីចេញលក់ក្នុងឆ្នាំ ១៩៨៥ មក ស្លាកឈ្មោះ ណាវ៉ារ៉ា ត្រូវបានដាក់នៅគ្រប់តំបន់ដែលមានភូមិសាស្រ្តលំបាកខ្លាំងរាប់ចាប់ពីតំបន់វាលខ្សាច់សាហារ៉ា តំបន់ព្រៃភ្នំប្រទេសថៃ រហូតដល់តំបន់រុករករែនៃប្រទេសឈីលី អាមេរិកខាងត្បូង ដែលស្ថិតនៅកម្ពស់ ៤,០០០ ម៉ែត្រលើនីវ៉ូទឹកសមុទ្រ ។ ការផលិតគ្រោងឆ្អឹងធន់ ម៉ាំរបស់រថយន្ដភីកអាប់នេះ តែងជម្នះបានគ្រប់ឧបសគ្គនៅ គ្រប់ស្ថានភាពផ្លូវទាំងលើផ្លូវធម្មតា និង ផ្លូវលំបាកបំផុត ធ្វើឱ្យអ្នកបើកបរ កាន់តែមានសេរីភាពក្នុងការបើកបរទៅគ្រប់ទីកន្លែង ប្រកបដោយទំនុកចិត្ត ។ វាជាដៃគូដ៏ទុកចិត្តមួយសម្រាប់អតិថិជនធ្វើដំណើរជាលក្ខណៈផ្សងព្រេង បំពេញការងារដែលត្រូវប្រើកម្លាំងខ្លាំង និង អាចគ្រប់គ្រងគ្រប់ស្ថានភាពផ្លូវ។

ណាវ៉ារ៉ា មកជាមួយរចនាបថរូបរាងធន់ម៉ាំ ខ្លាំង ផ្នែកក្នុងរថយន្តស្ងាត់ប្រកបដោយផាសុកភាព ព្រមទាំងប្រព័ន្ធទ្ររថយន្ត ដើម្បីបង្កើនប្រសិទ្ធភាពនៃការបើកបរដ៏មានថាមពលនៅគ្រប់ស្ថានភាពផ្លូវ ទាំងផ្លូវធម្មតា ផ្លូវពិបាក និង រលាក់ខ្លាំង​ ។ ដើម្បីចេញលក់រថយន្តភីកអាប់ដ៏ម៉ាំ និង ធន់ខ្លាំងបំផុតរបស់ខ្លួននៅលើទីផ្សារ នីសាន់ចាប់ផ្ដើមដោយបង្កើតម៉ូដែលរថយន្ត ណាវ៉ារ៉ាស៊េរីថ្មី សម្រាប់គ្រប់ស្ថានភាពលំបាកៗខ្លាំង ។ វាបានឆ្លងកាត់ការធ្វើតេស្តដ៏ខ្លាំងក្លាបំផុតពីសីតុណ្ហភាពទាបបំផុត រហូតដល់សីតុណ្ហភាពក្ដៅខ្លាំងបំផុត នៅក្នុងបន្ទប់ពិសោធន៍បិទជិតមួយ ដើម្បីធានាថា ណាវ៉ារ៉ា ត្រូវបានបង្កើតសម្រាប់បើកបរក្នុងស្ថានភាពពិបាកៗខ្លាំង ។ វាបានឆ្លងកាត់ការធ្វើតេស្តដោយមនុស្សយន្តពីភាពរឹងមាំរបស់ទ្វារថយន្តរយៈពេលប៉ុន្មានសបា្ដហ៍ ភាពធន់ និង គ្មានការបារម្ភក្នុងការប្រើប្រាស់ដែលជាប់បានយូរ អាចរហូតដល់ ២០ ឆ្នាំតាមការប្រើប្រាស់ជាក់ស្ដែង ។ ការធ្វើតេស្តបន្ទាប់នោះគឺ វាត្រូវស្ថិតក្រោមការពិសោធន៍ដោយឧបករណ៍ទប់រំញ័រជាច្រើនសប្ដាហ៍ ដើម្បីធានាឱ្យការបើកបរ រលូនជាមួយនិងភាពធន់ស្មើនិង ១៥ ឆ្នាំ ។ នីសាន់ណាវ៉ារ៉ា ក៏ឆ្លងកាត់ការធ្វើតេស្តសមត្ថភាពដឹកជញ្ជូនទំនិញទម្ងន់ជាង ១ តោន ដើម្បីធានាថា រថយន្តមានសមត្ថភាពបើកបរនៅលើផ្លូវពិបាកៗខ្លាំង ដោយការពេញចិត្ត ការបើកបរឡើងភ្នំ ឬ ចុះចំណោតមិនប្រឹងខ្លាំង ដែលបង្ហាញឱ្យឃើញថា គ្មានកិច្ចការលំបាកឡើយសម្រាប់ នីសាន់ណាវ៉ារ៉ា ។ ការធ្វើតេស្តទាំងនេះ ធ្វើឡើងដូចទៅនិងស្ថានភាពនៃការប្រើប្រាស់រថយន្តជាក់ស្ដែង ដើម្បីធានាថា នីសាន់ណាវ៉ារ៉ា ផ្ដល់នូវការបើកបរមួយធន់ ល្អឥតខ្ចោះ គ្មានក្ដីកង្វល់ ទោះស្ថិតក្រោមស្ថានភាពណាក្ដី ។ វាធ្វើឱ្យអ្នកបើកបរ ទទួលយកបានដោយគ្មានអល់អែកក្នុងចិត្ត។

ខុសប្លែកពីមុខងារជាប្រពៃណីរបស់រថយន្តភីកអាប់ទូទៅ នីសាន់ណាវ៉ារ៉ាស៊េរីថ្មី បំពាក់បច្ចេកវិទ្យាបើកបរវៃឆ្លាតដ៏ទំនើបរបស់ នីសាន់ និង ប្រព័ន្ធការពារសុវត្ថិភាព ៣៦០⁰ របស់នីសាន់ ។ ប្រព័ន្ធទាំងនេះ ផ្ដល់អាទិភាពដល់ភាពងាយស្រួល និង សុវត្ថិភាពសម្រាប់ជាទំនុកចិត្តរបស់អតិថិជន ដោយមិនប៉ះពាល់ដល់ដំណើរការបើកបរដ៏ឥតខ្ចោះរបស់រថយន្ត សមត្ថភាពអូសទាញ ភាពធន់ និង ទំនុកចិត្តរបស់រថយន្ត ។ នីសាន់ណាវ៉ារ៉ា តែងនាំមុខគេជានិច្ច។

ការរចនាផ្នែកខាងក្រៅរឺងម៉ាំ និងផ្នែកខាងក្នុងប្រកបដោយផាសុកភាព

នីសាន់ណាវ៉ារ៉ា បានប្រើប្រាស់តួររថយន្តដ័រឹងម៉ាំរបស់វា  រចនាឡើងពីវត្ថុធាតុដើមល្អៗ រឹងម៉ាំ ជាប់ធន់ រូបរាងខាងក្រៅស្រស់ស្អាត ទាន់សម័យ សក្ដិសមនិងការប្រើប្រាស់ប្រចាំថ្ងៃ។

ក្នុងអំណះអំណាងចុងក្រោយរបស់ខ្លួននោះ គឺថា នីសាន់ណាវ៉ារ៉ា បានកែប្រែផ្នែកខាងក្នុងនៃកាប៊ីន។ តាបឡូ រចនាបថថ្មី ជាសក្ខីកម្មបញ្ជាក់ពីការដំឡើងកម្រិតថ្មីនៃរថយន្ត ស្រោបដោយស្បែកពណ៌ខ្មៅល្អប្រណិត រំលេចដោយស្នាមថ្នេរដែលផ្ចិតផ្ចង់ខ្លាំងដ៏ល្អឥតខ្ចោះ ។ ការបង្កើនសោភ័ណភាពទាំងនេះ មិនត្រឹមតែលើកកម្ពស់សិល្បៈនៃរចនាបថដ៏ស្រស់ស្អាតរបស់រថយន្តប៉ុណ្ណោះទេ វាថែមទាំងបង្កើនបទពិសោធន៍នៃការប្រើប្រាស់រថយន្តដោយផ្ទាល់ ដោយធានាថា រាល់ការធ្វើដំណើរទាំងអស់ តែងនាំមកនូវផាសុកភាពដូចនិង រូបរាងដ៏ស្រស់បំព្រងរបស់រថយន្ត។

សូមចូលទស្សនា សាលតាំងបង្ហាញរថយន្តនីសាន់ នៅជិតលោកអ្នកបំផុត ដើម្បីបើកបរសាកល្បង ឬ ទូរស័ព្ទ ណាត់ជួបដើម្បីទទួលបានបទពិសោធន៍ពី រថយន្តនីសាន់ណាវ៉ារ៉ាស៊េរីថ្មីរបស់យើងខ្ញុំ។

សម្រាប់ព័ត៌មានបន្ថែមអំពី ម៉ូឌែលរថយន្តនីសាន់ក្នុងប្រទេសកម្ពុជា សូមចូលគេហទំព័រនីសាន់ខេមបូឌាតាម www.nissan.com.kh/ ឬ តាមដានផេកហ្វេសប៊ុករបស់ នីសាន់ខេមបូឌា fb.com/CambodiaNissan/ របស់យើងខ្ញុំ។

#               #               #

    ពិភពលោកកំពុងតែឆ្ពោះទៅរកការគោលដៅនៃការប្រើប្រាស់នូវរថយន្តប្រើប្រាស់អគ្គីសនី ទន្ទឹមនឹងនេះដែរ រថយន្តអគ្គិសនីដែលមាននូវភាពឆ្លាតវៃ បច្ចេកវិទ្យាទំនើប រូបរាងស្រស់ស្អាត តាមបែបអនាគត ធ្លាប់តែមាននូវការនាំចូលតាមបណ្តាការ៉ាសលក់រថយន្តនានា ពេលនេះមាននូវ Showroom តាំងបង្ហាញរថយន្តមួយនេះជាផ្លូវការហើយ។ ក៏ជា Showroom របស់ ZEEKR KH​ មុនដំបូងគេបង្អស់នៅក្នុងកម្ពុជាយើងផងដែរ។     ថ្ងៃទី 20 ខែ​ កក្កដា ឆ្នាំ 2024 ក្រុមហ៊ុន ONEROAD GROUP បានធ្វើនូវពិធីបើកសម្ភោធន៏អគារតាំងបង្ហាញរថយន្ត ZEEKR យ៉ាងអធិកអធម នៅក្នុងទីផ្សារព្រះរាជាណាចក្រកម្ពុជាយើង នៅចំកណ្តាលរាជធានីភ្នំពេញតែម្តង ក្រោមអធិបតីភាពឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន។     ជាមួយនឹងគ្នានេះដែរ ក៏ឃើញមាននូវវត្តមាន របស់នាយកប្រតិបត្តិ ក្រុមហ៊ុន វ័ន រូដ លោក ជែវ ជៀនហ្វុង លោកស្រី​ Vicky Chen នាយកប្រចាំតំបន់អាស៊ីអាគ្នេយ៏របស់ក្រុមហ៊ុន ZEEKR ផ្ទាល់តែម្តង ក៏ដូចជាមាននូវវត្តមានរបស់ ឯកឧត្តម លោកជំទាវ និង​ ភ្ញៀវកិតិ្តយសទាំងអស់បានចូលរួម ជាច្រើនកុះករផងដែរ​ ដែលកម្មវិធី បានចាប់ផ្តើមប្រព្រឹត្តិឡើង នាវេលាម៉ោង ៨:៣០នាទី ព្រឹករហូតដល់ម៉ោង ១២:០០នាទី ថ្ងៃត្រង់តទៅ។     កម្មវីធីដំបូង គឺភ្ញៀវចុះហត្ថលេខា ចូលទស្សនាសាលតាំងពិព័រណ៍ បន្ទាប់មកឈានទៅដល់ការធ្វើ ថ្លែងសន្ទរកថា កម្មវីធីបន្ទាប់ធ្វើការកាត់ខ្សែបូដើម្បីធ្វើការសម្ពោធនូវរថយន្តដែលទើបតែនឹងបានធ្វើការនាំចូលមកថ្មីៗនិងចុងបញ្ចប់នៃកម្មវិធីគឺការធ្វើការថតរូបជាមួយនឹងឯកឧត្តម​ លោកជំទាវ ប្រមុខថ្នាក់ដឹកនាំនិងភ្ញៀវកិត្តិយស ដែលបានចូលរួមក្នុងកម្មវិធី សម្ពោធរថយន្តជាមួយនឹងការទទួលបាននូវបទពិសោធន៏នៃការប្រើប្រាស់ទៅលើរថយន្ត ZEEKR គ្រប់ Model ផងដែរ។     ទីតាំង Showroom របស់រថយន្ត ZEEKR KH ស្ថិតនៅអគារលេខ ៧៥៧ តាមបណ្តោយផ្លូវលេខ ៩៣​ មហាវិថីព្រះមុនីវង្ស សង្កាត់ទន្លេបាសាក់ ផ្លូវកែងលេខ ៤៣២ ភូមិ ៣ សង្កាត់ បឹងត្របែក ខណ្ខចំការមន រាជធានីភ្នំពេញ ព្រះរាជាណាចក្រកម្ពុជា។     សម្រាប់បងប្អូន ដែលចង់ជ្រាបច្បាស់ អំពីព័ត៌មានលម្អិតរបស់ ZEEKR KH ក៏ដូចជារថយន្ត ដែលមានវត្តមានក្នុងអគារតាំងបង្ហាញ គួបផ្សំជាមួយនឹងតម្លៃរបស់រថយន្ត បងប្អូនអាចធ្វើការទំនាក់ទំនងទៅកាន់គេហទំព័រផ្លូវការ ឬក៏អញ្ជើញសាកសួរដោយផ្ទាល់បាននៅទីតាំងអគារតាំងបង្ហាញ (Showroom) របស់ ZEEKR KH បាន។

ឡិច ស៊ឺស ខេមបូឌា បានអបអរសាទរសមិទ្ធផលដ៏ធំមួយ ជាមួយការបើកសម្ពោធជាផ្លូវការនូវអគារតាំងបង្ហាញដំបូង ដែលមានទីតាំងលើមហាវិថីសម្ដេចតេជោហ៊ុនសែន ខណ្ឌមានជ័យ រាជធានីភ្នំពេញ។ ព្រឹត្តិការណ៍ដែលមានការចូលរួមជាកិត្តិយសពីសំណាក់មន្ត្រីជាន់ខ្ពស់តំណាងរដ្ឋាភិបាល អ្នកសារព័ត៌មាន រួមទាំងម្ចាស់ធុរកិច្ចជាច្រើនរូប គឺជាការបើកទំព័រថ្មីនៃការពង្រីកខ្លួនរបស់ ឡិចស៊ឺស ចូលមកកាន់ទីផ្សារដ៏សំខាន់នៃតំបន់អាស៊ីអាគ្នេយ៍។

អគារតាំងបង្ហាញរថយន្ត ឡិចស៊ឺស ដំបូងនៅកម្ពុជា មានលក្ខណៈពិសេសខុសប្លែកពីហាងលក់រថយន្តទូទៅ ដោយអគារនេះបានឆ្លុះបញ្ចាំងនូវផ្នត់គំនិត នៃការឌីហ្សាញដ៏ល្បីល្បាញរបស់ ឡិចស៊ឺស ឈ្មោះថា ”L-finesse”។ ផ្នត់គំនិតនេះ បង្កើតឡើងដោយក្រុមអ្នកឌីហ្សាញ វិស្វករ និងបុគ្គលិកជាន់ខ្ពស់ ដែលវាគឺជាការលាយបញ្ចូលគ្នាយ៉ាងល្អឥតខ្ចោះរវាងការរចនា និងបច្ចេកវិទ្យាឈានមុខ ជាមួយនឹងភាពល្អិតល្អន់។

ពាក្យថា “Finesse” នេះដែរ សម្ដៅទៅដល់គោលការណ៍ដ៏យូរលង់មួយនៃបដិសណ្ឋារកិច្ច និងសិល្បៈរបស់ជប៉ុន ដែលវាក៏មានសមត្ថភាពវិវត្តន៍ទៅជាគោលគំនិតដែលប្រកបដោយភាពរស់រវើក។ ផ្នត់គំនិត”L-finesse” នេះបានអនុវត្តន៍ទៅលើការរចនាអគារតាំងបង្ហាញរថយន្ត ឡិចស៊ឺស នៅកម្ពុជា ដែលមានការលាយបញ្ចូលនូវសម្បត្តិវប្បធម៌ និងអរិយធម៌ ដែលជាការបង្ហាញការឲ្យតម្លៃចំពោះសម្បត្តិបេតិកភណ្ឌដ៏រស់រវើករបស់កម្ពុជា។

ជាក់ស្ដែង នៅផ្នែកខាងមុខនៃអគារនេះបានប្រើប្រាស់ការឌីហ្សាញដែលបំផុសគំនិតចេញពីក្បាច់រាំនៃរបាំអប្សរា ខណៈដែលការតុបតែងជញ្ជាំងផ្នែកខាងក្នុងបានរំលេចនូវសូត្រមាសខ្មែរ ដែលជាប្រពៃណីដ៏យូរលង់មួយ។ចំណែកឯកន្លែងទទួលសេវាកម្មអតិថិជនឯណោះវិញ មានជាការតាំងបង្ហាញនូវល្ខោនស្រមោលស្បែកធំ ដែលមានឈ្មោះក្នុងបញ្ជីសម្បត្តិបេតិកភណ្ឌវប្បធម៌ពិភពលោកនៃអង្គការយូណេស្កូ។

អ្នកតំណាងឲ្យក្រុមហ៊ុន SOMA Construction & Development ដែលជាក្រុមហ៊ុនរចនាអគារតាំងបង្ហាញនេះ បានលើកឡើងថា ៖ “មហិច្ឆតារបស់យើង គឺចង់លើកស្ទួយ និងលើកកម្ពស់ក្នុងការទទួលស្គាល់ជាសកលលោកនូវវប្បធម៌កម្ពុជា ដែលក្នុងនោះ ឡិចស៊ឺស បានចូលរួមចំណែកយ៉ាងសំខាន់។ អគារតាំងបង្ហាញរថយន្តមួយនេះបានបង្ហាញឲ្យឃើញអំពីស្មារតីប្ដេជ្ញារបស់ ឡិចស៊ឺស ក្នុងការឈានជើងចូលទីផ្សារក្នុងស្រុក និងបង្ហាញថាម៉ាកសញ្ញាលំដាប់ពិភពលោក ដូចជា ឡិចស៊ឺស អាចទទួលយកវប្បធម៌ក្នុងតំបន់ដោយរបៀបណា។”

គួរដឹងថា អគារតាំងបង្ហាញរថយន្ត ឡិចស៊ឺស បានបែងចែកជាបីទីតាំងផ្សេងៗគ្នាសម្រាប់បម្រើសេវាកម្មចាប់តាំងពីពេលចាប់អារម្មណ៍ដំបូង រហូតដល់ការជាវរថយន្ត ដោយតំបន់នីមួយៗបានផ្ដោតសំខាន់លើការចូលរួមយ៉ាងជិតស្និទ្ធជាមួយអតិថិជនក្នុងដំណើរនៃការធ្វើជាម្ចាស់រថយន្ត ឡិចស៊ឺស។

នៅពេលចូលដល់អគារតាំងបង្ហាញដំបូង លោកអ្នកនឹងចាប់អារម្មណ៍លើទេសភាពដ៏ខៀវស្រងាត់ដែលអាចមើលឃើញឆ្លុះតាមរយៈជញ្ជាំងកញ្ចក់ដ៏ខ្ពស់ស្រឡះ បូករួមនឹងការចាំងចូលនៃពន្លឺធម្មជាតិ បង្កើតបានជាអារម្មណ៍ទទួលស្វាគមន៍ដ៏កក់ក្ដៅ។ កាន់តែពិសេសនោះគឺ អតិថិជនត្រូវបានស្វាគមន៍ដោយក្លិនក្រអូបឈ្ងុយបែបខ្មែរ រួមជាមួយអាហារសំរន់ដែលមានផ្ដាច់មុខតែនៅ ឡិចស៊ឺស ប៉ុណ្ណោះ។

ចូលទៅដល់ខាងក្នុងបន្តិចទៀត អតិថិជននឹងទៅដល់បន្ទប់ VIP ជាទីកន្លែងដ៏ស្ងប់ស្ងាត់ដែលមានបំពាក់នូវគ្រឿងបរិក្ខារប្រៀបដូចជាការិយាល័យ ដែលនៅទីនេះអតិថិជនអាចប្រើប្រាស់បានសម្រាប់ការប្រជុំ ឬការណាត់ជួបសំខាន់ណាមួយ ដោយគ្រាន់តែជូនដំណឹងជាមុន។ អ្វីដែលកាន់តែសបញ្ជាក់ពីការប្ដេជ្ញារបស់ ឡិច ស៊ឺស ក្នុងការផ្ដល់ជូនអតិថិជនលើសពីការរំពឹងទុកនោះ គឺការផ្ដល់ជូននូវសេវាកម្មបម្រើភេសជ្ជៈដែលតម្រូវតាមចំណង់ចំណូលចិត្តអតិថិជន រួមជាមួយនឹងអាហារប្រកបដោយឱជារស។លោកស្រី ប៊ុន ចាន់តារារ័ត្ន នាយិកាប្រតិបត្តិ នៃ ឡិច ស៊ឺស ខេមបូឌា  បានលើកឡើងអំពីមហិច្ឆតារបស់ ឡិច ស៊ឺស បែបនេះថា ៖ “អគារតាំងបង្ហាញនេះជាការសបញ្ជាក់អំពីស្មារតីប្ដេជ្ញារបស់យើងក្នុងការ ផ្ដល់ជូនបទពិសោធន៍ដ៏អស្ចារ្យទៅដល់អតិថិជន។ វា (អគារតាំងបង្ហាញ) តំណាងឲ្យការយកចិត្តទុកដាក់របស់យើងចំពោះ   ម៉ាកសញ្ញា ឡិច ស៊ឺស អន្តរជាតិ ក៏ដូចជាការយល់ដឹងអំពីទីផ្សារក្នុង ស្រុក។”ក្រុមការងារបម្រើសេវាកម្មរបស់ ឡិច ស៊ឺស ដែលប្រកបដោយជំនាញខ្ពស់លើសេវាកម្មក្រោយការលក់ អាចធានាបានថាគ្រប់រថយន្តនឹងទទួលបានការថែទាំយ៉ាងយកចិត្តទុកដាក់។ បន្ទប់រង់ចាំនៃយានដ្ឋានក្នុងអគារតាំងបង្ហាញរថយន្ត ឡិចស៊ឺស អាចឲ្យអតិថិជនមើលឃើញអំពីដំណើរការនៃការផ្ដល់សេវាកម្មរថយន្តរបស់ពួកគេ ដែលឆ្លុះបញ្ចាំងអំពីការយកចិត្តទុកដាក់របស់ ឡិច ស៊ឺស ខេមបូឌា ទាំងលើតម្លាភាព ទាំងលើគុណភាព។
សូមអញ្ជើញទៅកាន់អគារតាំងបង្ហាញរថយន្ត ឡិច ស៊ឺស នៅលើមហាវិថីសម្ដេចតេជោហ៊ុនសែន ៦០ម៉ែត្រ ឈ្វេងយល់កាន់តែច្បាស់អំពីការលាយបញ្ចូលគ្នាដ៏ល្អឥតខ្ចោះនៃម៉ាក ឡិច ស៊ឺស ជាមួយនឹងសម្បត្តិវប្បធម៌ដ៏ផូរផង់របស់កម្ពុជា។

ចាប់ផ្ដើមអភិជនភាពដ៏អស្ចារ្យរបស់លោកជាមួយ ឡិច ស៊ឺស ខេមបូឌា។

អំពី Lexus ៖

ឡិច ស៊ឺស បានចាប់ផ្ដើមដំណើរការដំបូងក្នុងឆ្នាំ១៩៨៩ ជាមួយរថយន្ត Sedan ជារថយន្តប្រចាំម៉ាក។ ឡិច ស៊ឺស បានចូលរួមចំណែកយ៉ាងសំខាន់ក្នុងការផ្លាស់ប្ដូរមុខមាត់ឧស្សាហកម្មរថយន្តប្រណិត។ ក្នុងឆ្នាំ១៩៩៨ ឡិចស៊ឺស បានប្រកាសចេញរថយន្ត SUV ប្រណិតដែលជាម៉ូដែល Lexus RX។ ក្នុងនាមជាម៉ាករថយន្តដែលលក់រថយន្តហាយប្រ៊ីតឈានមុខគេ ឡិច ស៊ឺស បានបង្ហាញចេញនូវរថយន្ត ហាយប្រ៊ីតប្រណិតដំបូងគេក្នុងលោក ហើយត្រឹមបំណាច់ខែសីហា ឆ្នាំ២០២៣ ឡិចស៊ឺស អាចលក់រថយន្តហាយប្រ៊ីតបានជាង ២,៦៦លានគ្រឿង រួមមានរថយន្ត HEV PHEV និង BEV។ ឈរជើងជាម៉ាករថយន្តប្រណិតលំដាប់ពិភពលោក ជាមួយស្មារតីប្ដេជ្ញាខ្ពស់ចំពោះភាពមោះមុត ការឌីហ្សាញលេចធ្លោ គុណភាពខ្ពស់ និងសមត្ថភាពខ្លាំងក្លា ឡិច ស៊ឺស បានអភិវឌ្ឍន៍ រថយន្តច្រើនម៉ូដែល ដែលអាចបំពេញតាមតម្រូវការអតិថិជនរថយន្តប្រណិតជំនាន់ថ្មី ហើយបច្ចុប្បន្ន ឡិច ស៊ឺស មានវត្តមានក្នុងប្រទេស និងតំបន់ជាង ៩០ នៅទូទាំងពិភពលោក។ ក្រុមការងារ ឡិច ស៊ឺស នៅជុំវិញពិភពលោក បានប្ដេជ្ញាយ៉ាងមោះមុតក្នុងការផ្ដល់ជូនបទពិសោធន៍ដ៏អស្ចារ្យ និងពោរពេញដោយក្ដីរំភើបដែលអាចស្វែងរកបានតែនៅ ឡិច ស៊ឺស រួមទាំងមានឆន្ទៈក្នុងការផ្លាស់ប្ដូរពិភពលោកផងដែរ។

Contact information: 017 222 733 / 017 888 727